दैलेख सदरमुकामबाट जाने भन्ने तर भित्रि चाहना चुप्राबाट सडक लिने कुराको पर्दाफास भएपछि अहिले दैलेखमा रहेका नौ वटा राजनीतिक दल सँगै यहाँ रहेका व्यापारीहरुलाई समेच चुनौती थपिएको छ ।
    आफ्नो नजिकबाट भएर सडक गएको खण्डमा त्यसको उपयोग र फाईदा लिने ईच्छा र चाहना जो कोहीलाई हुनु स्वभावीक हो । सरकारको क्याबीनेटले समेत दैलेख   सदरमकाुमबाटै भएर जानुपर्ने कुरालाई मुख्य प्राथमिकताका साथ राखेको मध्यपहाडी   राजमार्गको अहिलेसम्म निकाश आउन नसक्नुमा आयोजना भित्रका कर्मचारीहरुको मिलोमत्तो भएको कुरा बाहिर आईसकेको    छ ।
    अहिलेसम्म आयोजनाका पदाधिकारीहरुले बास्तवीक कुरा नदेखाउनु, यहाँका दल र सभासदहरुले गरेको निर्णयको एउटा कर्मचारी र ईन्जिनियरले टाढै अस्विकार गर्दै खिल्ली उडाउँदै हिड्नुले कसको शिर कहाँ निहुँराएको छ बिश्लेषण गर्न सक्ने क्षमता भएकाहरुले बिचार गर्नुपर्ने देखिन्छ  ।
पछिल्ला दिनहरुमा देखिएको तमासाले दैलेखका नेता र व्यापारीहरुले मध्यपहाडीमा हारेको महसुस गर्नुपर्ने बेला आएको छ । विगत देखिनै भिन्न भिन्न दृष्टिकोणसँगै जनता उचाल्ने काममा खटिएका कर्मचारीहरुलाई नै अगाडी लगाएर दैलेखमा रहेका दल, स्थानीय प्रशासनले सदरमुकामको जुनसुकै स्थानबाट भएपनि मध्यपहाडी राजमार्गको निकाश निकाल्नुपर्ने देखिन्छ । तवमात्र यहाँका व्यापारीहरु र राजनीतिक दलहरुले जीतेको महसुस हुने देखिन्छ नत्र भने कसैको भित्रि राजनीतिक ईच्छा शक्ति र कुनै कर्मचारीको चाहनामा सिंगो सदरमुकामको भाग्य र भविष्य डुवाउन खोज्नु  पक्कै पनि राम्रो होईन दल र व्यापारीहरु अँझै गम्भिर हुनुपर्ने हो की ?